Twitter реши да го затвори лажниот профил на Бил Мареј иако долго време му дозвололуваше да споделува пораки. Додека постоеше профилот @bill_murray објавуваше украдени шеги, бараше пари од следбениците и не се ни обиде да разјасни дека тоа не е профил на познатиот холивудски актер Бил Мареј. И покрај големиот број на забелешки за плагијат @bill_murray го следеа околу 150.000 следбеници, додека профилот @BillMuray, неверификуван, што објавув само вести за актерот е следен од само 5.000 корисници.
Еден од првите кои го отворија прашањето на лажниот профил е Тим Сидел кој со право смета дека е смешно кога оргиналните автори на шегите имаат помалку следбеници од плагијаторот.
Go ahead. Cut and paste a tweet by the fake @Bill__Murray and Google it to see the original author. He/she is a thief.
— Tim Siedell (@badbanana) June 16, 2012
Иако Twitter не објави зошто е затворен профилот, една од причините можеби е и жалба од корисниците кои мислеле дека го следат вистинскиот Бил Мареј. Подеднакво веројатна е и варијантата дека на Twitter им здодеало од барањата за донации од неговиот профил. Веднаш по затворањето на лажниот профил се појави нов профил @Bill_Murray но со истата филозофија „Креативноста е супер, но плагијаризмот е побрз!“.
Creativity is great, but plagiarism is faster!
— Bill Murray (@Bill__Murray) June 19, 2012
