Timelines Inc, стартап од Чикаго, го тужи Facebook поради новите кориснички профили, наречени Timeline, велејќи дека оваа нова опција би можела да го елиминира нивниот веб сајт Timelines.com, кој им овозможува на корисниците да закачуваат лични или историски настани, и да додаваат описи, врски, фотографии и видеа поврзани со тие настани.
Судот му нареди на Facebook да го одложи стартувањето на новите кориснички профили, кои до сега требаше да бидат достапни за сите Facebook корисници. Судот од друга страна пак го одби барањето на Timeline.Inc да се забрани и активирањето на девелоперските профили, кои до сега ги имаат активирано околу 1,1 милион корисници, меѓутоа побара од Facebook да испраќа дневни извештаи за тоа колку девелопери ги активираат новите профили.
Новите профили нема да бидат активирани минимум до четврток кога треба да се сретнат претставници од Facebook и Timelines Inc. за да претстават подетални аргументи пред федерален судија за тоа дали треба да се забрани нивното лансирање или не.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Мршојади…