Tumblr, се попопуларна блогерска платформа, oд втори мај ќе воведе платени реклами за брендовите да можат да се истакнат на сајтот преку Radar постовите. Ова е прв пат во своето петгодишно постоење Tumblr да дозволи поинаков начин на истакнување на содржина, иако поголем дел од брендовите имаат свои блогови на платформата.
Рекламите се најавени на конференцијата на Ad Age, каде основачот на Tumblr, Дејвид Карп, рече дека бил „идиот“ што пред година дена мислел дека не му требаат реклами, иако се уште верува дека потребата да се користат рекламни платформи ја уништуваат креативноста. Затоа и ги избегнуваа Google АdWords, чекајќи да си направат свое решение.
Tumblr сега има околу 50 милиони блогови, а од неодамна забележаа 20 милијарди блог постови. Уште поинтересно, се очекува терминот „Tumblr” да стане попопуларен од „блог“ во пребарувањето.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
