Колку пати сте ја слушнале фразата: Порано ги правеа работите да траат? Тоа е точно. Amiga од 1980-та година е доказ дека дел од уредите кои се направени поодамна се поиздржливи од технологијата која ја користиме денес. Компјутерот веќе 30-години се користи за регулација на температурата и воздухот во училиште во Гранд Рапидс, САД, јави Geek.
Со помош на 1200-битен модем и бежичен радио сигнал компјутерот веќе десетици години ја регулира температурата во 19 објекти. Amiga-та ги вклучува и исклучува котлите, ги активира вентилаторите, компресорите за воздух, во секоја од 19-те згради. Со оглед на тоа дека во последните 30 години има доста промени, радиото сега функционира на иста фреквенција со радиото кое го користи службата за одржување, што некогаш предизвикува проблем, па во ваков случај се 15-20 минути прекинува комуникацијата.
Новиот систем за климатизиација и греење ќе чини помеѓу 1,5 и 2 милиони долари, а една од причините за замена на стариот е што станува исклучително тешко да бидат пронајдени делови кои треба да бидат заменети. Досега на компјутерот се направени неколку помали поправки, замена на мониторот, тастатурата и глувчето.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
