Во случај да сакате да работите во застарената Windows 95 околина, да пишувате мејлови, пополнувате забелешки, да кликнувате на најразлични прозорци кои ненадејно се појавуваат и го бараат вашето внимание, тогаш следнава „игра“ преку прелистувач е само за вас!
It is as if you were doing work e проект кој е замислен да ја истакне намалената потреба за човечка работна сила преку комплетирање секојдневни администраторски обврски. Колку и да изгледа чудно, лесно ќе бидете вовлечени во ваквото секојдневие, особено кога ќе дојде моментот за играње една партија Breakout или пак кога ќе сакате да ја смените desktop заднината и да се релаксирате со музика. И покрај се, што е работа без малку забава?
Mystery World Dizzy е уште една игра која беше пронајдена од близнаците Филип и Андру Оливер, едни од попознатите програмери на 8-битни компјутерски игри од осумдесеттите и деведесеттите. Играта беше првенствено направена за NES конзолата, но сега е бесплатна за играње преку прелистувачот. Собирајте предмети со Дизи и решавајте загатки додека избегнувате најразлични препреки. Во случај да сакате да проверите уште неколку игри од овие ветераните од едно друго доба, проверете ја и Wonderland Dizzy (пронајдена во 2015) или Dreamworld Pogie (пронајдена годинава).
Reditum е игра креирана од три ученици. Како дел од училишен проект, Reditum е визуелно привлечна point and click игра со истражување каде вие сте чувар на едно од сонцата на планетата и како таков, ваша задача е да внесете светлина насекаде околу светот и да искусите од прва рака што сè се случува со околината и луѓето. Reditum е компатибилна со Windows, MacOs, Linux или Android оперативните системи.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
