Touch+ од Ractiv е додаток за компјутер кој треба да ги замени комјутерското глувче и тачпадот. Уредот може да се користи за скролување, како помош за презентации, па дури и како контролер за видеоигри. Touch+ веќе поддржува OS X, Windows и iOS, а најавена е поддршка за Linux и Android TV. Контролерот е составен од две камери и алгоритам кој овозможуваат креирање на 3Д-слика од тоа што го „снимаат“ камерите. Вака креираниот систем може да следи движење на раката, но и на цело тело. Уредот овозможува целата тастатура или површина под него да биде искористена како екран на допир. Со помош на апликации како SwiftKey и слични, Touch+ би можел дури и да ја замени тастатурата.
Инспирацијата за Touch+ дојде од користењето на лаптоп во автобус и замисла како би изгледало кога би било можно да имаме мултитач на тастатурата за да не мораме постојано да ги мрдаме рацете насекеда – што е навистина проблематично во тесен простор. Touch+ веќе започна да се испорачува на првите подржувачи на Kickstarter каде успеаа да соберат 180,000 долари. Цената на уредот за сите кои не го земаа преку Kickstarter е 75 долари.
[youtube]ItCd2stbxDE[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
