Time.mk Настани е нов сервис на агрегаторот за вести преку кој ќе може да најдете се што се случува во .Мк, од концерти и кина, до прес конференции и предавања.
Тоа што е новина до сега кај Time.mk е што наместо сервисот да ги наоѓа настаните, како што ги агрегира вестите, сега самите организатори можат да ги додадат. Откако се додадени, настаните можат да се пребаруваат по датум, но и по профили и локација, пример да видите што се случува во неколкуте кафулиња кои ви се допаѓаат. Сега за сега нема пребарување по локации, но ќе има категоризација на локалите и на другите места.
„Една од главните идеи и верувања на TIME.mk е дека „под повеќе информации се подразбира поголем избор, поголема слобода и во крајна линија поголема моќ“ , вели основачот на Time.mk, Игор Трајковски.
„Идејата за TIME.mk Настани се појави како логичен, последователен, чекор по успешното 3 годишно организирање на дневните вести. Настаните прикажани на Time.mk Настани ги внесуваат самите организатори на настаните, а не нашите администратори или анонимни читатели, слично како што вестите на Time.mk се креирани од медиумите кои ги агрегираме.“
Наскоро се очекува да се имплементираат и коментари и сугестии, како и подобар дизајн.
