TikTok во обид да ја „шармира“ Европа

Avatar img-thumbnail img-circle

во ИТ.ЕУ

Две недели откако TikTok доби најава за забрана за користење во институциите на Европската унија, видео платформата ќе се обиде да ја врати довербата. Со надеж дека ќе ги убедат политичарите дека нема опасност од кинеско шпионирање, компанијата испраќа претставници во најголемите градови во Европа. Ерик Андерсен од TikTok ќе ги посети законодавците во клучните европски градови за да ги убеди дека податоците ќе бидат безбедни.

TikTok е креиран и е во сопственост на кинеската компанија ByteDance. Европските безбедносни претставници стравуваат дека властите во Кина може да ја принудат компанијата да им ги даде податоците.

„Кинеската влада никогаш не барала податоци од нас, а дури и ако побара, ние ќе одбиеме “, вели Тео Бертрам, потпретседател за владини односи и јавна политика на TikTok во Европа.

Една од мерките кои TikTok ќе ги примени за заштита на податоците на корисниците во Европа е промена на режимот за заштита на податоците. Платформата податоците на европските корисници ќе ги чува на локални сервери до кој кинеските власти немаат пристап. Серверите ќе бидат лоцирани во Ирска и Норвешка. Според првичните проценки ова ќе го чини TikTok 1,2 милијарди евра годишно. Ако некои податоци треба да бидат изнесени од овие сервери, барањата ќе мора да бидат прегледани и од независна ит-компанија, пренесе Guardian.

TikTok има над 1 милијарда корисници глобално и 150 милиони во Европа. За податоците на жителите на Европа ќе бидат користени 2 сервери во Ирска и 1 сервер во Норвешка. Податоците на 150 милиони корисници ќе започнат да се префрлаат оваа година, а целиот процес треба да заврши во 2024.

Планот за задоволување на минималните критериуми за работа на друштвената мрежа во Европа доаѓа со името „Project Clover“. Како дел од заштитата, податоците ќе бидат подложени на „псевдонимизирање“. Ова треба да обезбеди корисниците да не може да бидат идентификувани без дополнителни податоци.

Обидите да се одоброволи Европската унија доаѓаат две недели пред официјализирање на забраната за користење на TikTok од службените телефони на Европскиот парламент, Европската комисија и Европскиот совет. Одлуката е донесена на крајот на февруари, но официјално стапува на сила од 20-ти март.

TikTok е целосно или делумно забранет во неколку држави. Во Индија TikTok првично беше забранет во 2020 поради отворени прашања за безбедност и приватност. ByteDance не одговори на барањата и од 2021 забраната е на неограничено време. Од декември 2022 поради предупредување дека TikTok е опасност за националната безбедност Тајван забрани употреба на апликацијата во јавниот сектор. Во САД државните агенции не смеат да ја користат апликацијата на федерални уреди и системи. Слична забрана воведе и Канада, и вработените во администрацијата не смеат да ја користат апликацијата на своите службени уреди.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments
види ги сите огласи на kariera.it.mk