TikTok го надмина Google на врвот, видео платформата е најпосетуван вебсајт во 2021

Речиси е неверојатно, но TikTok, платформа која само до пред неколку години не постоеше денес е на врвот по бројот на посети во 2021 година. Во 2021 го преземаа првото место од Google и се најпосетуван вебсајт оваа година, покажува анализата на податоците на Cloudflare.

Што е TikTok

TikTоk е платформа на која корисниците имаат можност да објавуваат кратки видеа кои неретко се всушност звучно синхронизирани над популарни песни или смешни видеа од други корисници. Има можност за додавање на филтри и различни ефекти кои можат да се искористат на креативен начин. Во почетоците видеа беа во времетраење од 15 секунди, а корисниците имаат можност да спојат 4 видеа до максимално траење од една минута.

Платформата започна како Douyin, верзија на Musical.ly за кинески корисници. Bytedance компанијата која денес е сопственик на платформата ја купи Musical.ly и ја реиздаде под ново име заедно со нови алатки за креирање на видео и нови филтри за апликацијата. Оттогаш платформата е во постојан развој. Една од надградбите беше и продолжување на времетраењето на видеата кое сега е 5 минути.

TikTok минатата година беше на седмото место според бројот на посети. За да стигне до врвот сајтот ги прескокна и Facebook, Microsoft, Apple, Netflix и Amazon.

Платформата првпат се најде на првото место на 17 февруари 2021. Оттогаш речиси постојано се во првите три места, иако во зависност од периодот имаше и промени на врвот.

Ранг на TikTok.com во 2021. Извор Cloudflare https://blog.cloudflare.com/popular-domains-year-in-review-2021

Крај на 2021

  1. TikTok.com
  2. Google.com
  3. Facebook.com
  4. Microsoft.com
  5. Apple.com
  6. Amazon.com
  7. Netflix.com
  8. YouTube.com
  9. Twitter.com
  10. WhatsApp.com

Крај на 2020

  1. Google.com
  2. Facebook.com
  3. Microsoft.com
  4. Apple.com
  5. Netflix.com
  6. Amazon.com
  7. TikTok.com
  8. YouTube.com
  9. Instagram.com
  10. Twitter.com

Резултатите според бројот на посети очигледно покажуваат и дека Facebook не е повеќе на врвот кај друштвените мрежи. TikTok го презема и ова место, што со оглед на тоа дека имаат над 1 милијарда активни корисници месечно веројатно не е никакво изненадување. Најголем дел од овие корисници се надвор од САД (во САД TikTok е на 33 место по бројот на посети.) и надвор од Индија, која во целост ја забрани платформата.

Во САД додека актуелен претседател беше Доналд Трамп и за време на заладените односи со Кина, властите се обидоа и да ја забранат популарната кинеска апликација. Еден од предлозите беше да биде пренесен дел од сопственоста за корисниците во САД на некоја американска компанија.

По промената на претседателот одлуката за платформата и натаму не е донесена. Администрацијата на Бајден сè уште решава што да прави со апликацијата. Резултати од овие разгледувања ќе има во следните недели.

Што покажува ова за доминацијата на големите друштвени мрежи и платформи

Промената на врвот отвора повеќе интересни прашања. Ако според бројот на посети платформата е на првото место дали рекламите треба да се префрлат на новиот лидер? Со оглед на тоа дека во САД видео платформата е релативно ниско на листата на најгледани, а и самата цена на „кликовите“ е значително повисока на некои пазари во однос на други, веројатно кај рекламите нема да има сериозно поместување. Секако, огласувачите не можат да ја игнорираат платформата.

Второ интересно прашање е какво влијание ќе има промената на врвот со критиките кој конгресот ги има за начинот на кој функционира Facebook. Во САД последниве неколку години е отворена дебатата и за тоа колку доминацијата која ја имаат големите компании овозможува развој на нови конкуренти.

Facebook до неодамна беше речиси монопол кај друштвените мрежи и најголем дел од законодавците бараа регулирање на платформата. Во 2020 година ова навистина и беше вистина, и тогаш делуваше дека никој нема да може да и се приближи на доминантната друштвена мрежа. Последната година ова секако не е случај, па Facebook сега мора да се задоволи со второто место.

Дали ова ќе можеше да се случи ако TikTok беше американска компанија или ако Facebook не беше под истрага е навистина тешко да се процени. Веројатно самиот податок дека кинеска друштвена мрежа е на врвот ќе го омекне ставот на дел од конгресмените.

Попопуларна не значи и побезбедна

TikTok најмногу го користат деца и тинејџери. Содржината на платформата би требало да биде прилагодена на оваа публика, но за жал не е. Како и на останатите друштвени мрежи може да се пронајде токсична содржина. Без сериозно користење на вештачка интелигенција која ќе ги анализира видеата „прочистувањето“ ќе мора да се прави рачно што барем досега или беше неизводливо или наоѓаше на куп критики.

Што се дискутира на ИТ форум...Kоментари на статија (0)

Loading new replies...

Нека им е честито. ;)

одговори Лајк

Мое најискрено сочувство.

одговори 6 лајкови

Страшно адиктивна апликација. Можеби сте приметиле дека 3 пати треба да стиснеш back за да излезеш од апликацијата. И секој пат ти покажува ново видео, само да те вовлече уште да гледаш..

одговори Лајк

Искрено, имам видено многу глупости, ама и подобар контент, дебати, корисни работи, факти, и разоткривање глупости отколку на твитер или фејсбук.

одговори 1 реакција

Не можам да сфатам и да процесирам како тоа Тикток е попосетуван сајт од рецимо Google.com или Reddit рецимо. Реално, мора да има некаков проблем со метриките и податоците, одноставно не може тоа така.

одговори 5 лајкови

:(

View: https://www.youtube.com/watch?v=xIHKZLZfaTE

Боже која година сме? Да не сум влегол во црвоточина и сум во 2122 година?
budenje.gif

одговори Лајк

Не можам да сфатам и да процесирам како тоа Тикток е попосетуван сајт од рецимо Google.com или Reddit рецимо. Реално, мора да има некаков проблем со метриките и податоците, одноставно не може тоа така.

Хм, и мене не ми е јасно. А ја прочитав цела статија случајно да не има некоја финта, и пак не ми е јасно. Исто така не ми е јасно како може microsoft.com да биде на четврто место. Мислам, кој и зошто го отвара microsoft.com толку често? Reddit не е воопшто на листата во топ 10.

Си викам, податоциве да не се вaдени и од некои апликации кои комуницираат со овие веб адреси, да речеме апликацијата TikTok остварува сообраќај со tiktok.com или Windows Store прави сообраќај према microsoft.com, па според тоа рангирале? Нешто такво мора да е.

одговори 1 реакција

Не можам да сфатам и да процесирам како тоа Тикток е попосетуван сајт од рецимо Google.com или Reddit рецимо. Реално, мора да има некаков проблем со метриките и податоците, одноставно не може тоа така.

Авторите требало да забележат дека cloudfare сакаат да се прават паметни, односно бидејќи Alexa се гаси сакаат да бидат на прво место. Еве зашто Тик Ток им е најпопуларен на нив:

The most popular website or web application, based on our ranking methodology, is ranked #1.
The top trending domains are calculated based on a combination of domain popularity, the percentage change in traffic patterns, and the change in rank over the selected time period.

Е сега, ако отидеш на Alexa кои 25 години го прават ова (за разлика од Cloudfare кој го прави 1 година), ќе забележиш логички распоред на најпосетувани сајтови:

Од термините „најпопуларен“ до „најпосетуван“ има 7 брда, планини и долини, ама тие семантики не се важни за IT.mk.

П.с. Се вели Тик Ток лани бил 7ми (2020), а Cloudfare ова го вика:
There are other trends we can see comparing both years — for 2020 we only show data of the end of the year, after September (Cloudflare Radar was launched that month).

одговори 2 лајкови

види цела содржина...

Не можам да сфатам и да процесирам како тоа Тикток е попосетуван сајт од рецимо Google.com или Reddit рецимо. Реално, мора да има некаков проблем со метриките и податоците, одноставно не може тоа така.

јок, на нив треба малце мозок, да се уклучи и да читаш, тука само плеј дури и следно видео сама ти мести. Точна слика на популацијата на планетава во 21 век, дебили глупави.

одговори 2 лајкови

Добивај известувања
Извести ме за
guest
12 Коментари
Најнови
Најстари Со највеќе гласови
Inline Feedbacks
View all comments
види ги сите огласи на kariera.it.mk