Digital Chaos, тимот во кој настапуваше и најдобриот македонски Dota 2 натпреварувач една недела пред Kiev Major ја замени целата постава. Мартин Саздов заедно со остаток од Digital Chaos оформи нов тим, Thunderbirds.
THUNDERBIRDS
— Saksa (@Saksadota) April 14, 2017
Thunderbirds, како и Digital Chaos ќе се натпреварува од САД. Соиграчи на Сакса остануваат: Роман Фоминок, Resolut1on; Аливо Омар, w33; Девид Тан, MoonMeander; и Расмус Филипсен MiSeRy, кој останува капитен и на новиот тим. Заедно со натпреварувачите во новиот тим дојдоа и дел од тренерите од Digital Chaos.
„Постоечкиот тим и DC се сложија дека дојде време да се разделат. Имавме огромен успех со овој состав. На Misery, Resolut1ion, Saksa, W33, Moonmeander, Алисија и Вилијам им посакуваме уште многу успех“, велат од DC во соопштението.
Следен натпревар за Сакса и Thunderbirds е Kiev Major, турнир кој започнува следната недела, а ќе се одржи од 27 до 30 април. Thunderbirds на овој турнир учествуваат со директна покана, што значи дека ги рипнаа квалификациите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
