Затоа што е бесплатен и затоа што заштедува време, вели Филип Стефановски oбјаснувајќи го својот нов веб сервис Termin.mk, чија цел е да ги олесни резервациите во ресторани, спортските-рекреативни центри и игротеки. Termin.mk сака да ви заштеди на време така што ќе ви понуди онлајн пребарување на локации со можност онлајн да го резервирате слободниот термин.
„Од анализата се потврдија и нашите првични проценки, дека на луѓето им е потребен еден ваков веб сервис, и дека дефинитивно би го користиле, пред се поради фактот што е бесплатно и значително го заштедува времето“, вели Филип.
Почетната цел на сервисот е да се најде на мапата на македонската ИТ сцена, привлечувајќи посетители, но и ресторани и спортски центри кои сакаат да добијат промоција и клиенти. Потоа можеби ќе се обезбеди и онлајн резервација, во моментот се резерива со испраќање на барање, а ќе биде креирана и мобилна апликација. Засега Termin.mk е достапен само во Скопје, бидејќи договарање на локација бара помеќе работа; но, ако сервисот расте како што е замислен, планот е да се прошири и во други градови во Македонија и во други области.
