Google, Airbnb, GoDaddy, Discord се дел од техничките компании кои прекинаа дел од услугите кои ги нудат за корисниците кои се декларираат како екстремна десница. Поголем дел од компаниите се кренаа против расизмот по настаните во Шарлотсвил. Директорот на Intel Брајан Крзанич, го напушти советот на Трамп откако претседателот на САД не беше доволно строг во осудата на напаѓачите.
We informed The Daily Stormer that they have 24 hours to move the domain to another provider, as they have violated our terms of service.
— GoDaddy (@GoDaddy) August 14, 2017
Се започна со Airbnb кои уште пред да започнат нередите најави дека нема да ги услужува активистите од екстремната десница. Како резултат на ова, Airbnb откажа некои од резервациите на движењето „Unite the Right“. Најпрво GoDaddy објави дека повеќе нема да ја хостира страницата Daily Stormer. Дека враќањето на Daily Stormer ќе биде посложено отколку само пронаоѓање на нов хост, покажа Google кој го прекина обидот за регистрацијата на доменот на нивните сервери.
„Ја прекинуваме регистрацијата на Daily Stormer на Google Domains поради нарушување на нашите правила за користење“, објасни претставник на Google за Business Insider.
По GoDaddy и Google, Daily Stormer од листата на корисници го избриша и Zoho. Компанијата која работи со софтвер за менаџирање на бизниси, објасни дека порталот ги нарушил правилата за користење. Претходно објавивме дека Anonymous ја презема контролата врз сајтот, сепак официјалниот профил на хактивистите ја демантира оваа вест. Според нив преземањето е лажно и организирано од самата страница.
We believe that The Daily Stormer has violated Zoho’s Terms of Service, so its access to Zoho’s services has been terminated. (2/2)
— Zoho (@zoho) August 14, 2017
Дури и платформата на која остриот говор често е присутен, Discord, ги усклучи серверите кои промовираат нацизам. Discord е платформа која на гејмерите им овозможува разговор во текот на играњето, но и споделување на слики и фајлови. Платформата е бесплатна, па се користи и надвор од гејминг. Сепак, сервисот ја прекина услугата за AltRight. Заедно со прекинот дојде и порака од сервисот.
Love. Not hate. pic.twitter.com/5xFpvHTuI2
— Discord (@discordapp) August 14, 2017
„Мисијата на Discord е да ги заближи луѓето околу гејмингот. Се залагаме за позитивност и инклузивност. Не омраза. Не насилство.
Денес ги исклучивме AltRight серверите и повеќе профили поврзани со Шарлотсвил. Ќе продолжиме да преземаме акција против расизмот, нацизмот и сите форми на омраза“.
Последна „жртва“ на настаните од Шарлотсвил е Брајан Крзанич од Intel. Директорот на компанијата го напушти Советот за производство на претседателот Трамп. Пред него свои оставки поднесоа и Кевин Плaнк од Under Armour и Кенет Фрејзиер од Merck Pharma. За разлика од претседателот Трамп, кој го осуди насилството од „многу страни“, г. Крзанич немаше проблем да ги обвини белите супермацисти за насилството.
There should be no hesitation in condemning hate speech or white supremacy by name. #Intel asks all our countries leadership to do the same
— Brian Krzanich (@bkrunner) August 14, 2017
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
