Секој петок во 19:30 часот на телевизија Алфа се емитува емисијата за ИТ новости „Клик“. Продуцирана од Light Bulb productions, концептот на емисијата и анимациите се нешто свежо на македонската ИТ сцена. Токму иновативноста ни се допадна и затоа It.com.mk, со задоволство, склопи соработка со „Kлик“ да им обезбеди квалитетна ИТ содржина. Се надевам ќе уживате!
Клај Ширки, професор по ИКТ на New York Универзитетот, објаснувајќи го Ushahidi, платформа со отворен код за автоматско генерирање информации и нивна визуелизација, вели дека овој проект не би бил можен без дигиталната технологија и без човечката великодушност.
Yahoo објави дека стартува партнерствотото со Facebook и дека корисниците на двата сервиса можат да си ги поврзат профилите, пример да гледаат Facebook постови преку Yahoo.com, Yahoo Mail... и обратно содржината од Yahoo сајтовитe, меѓу кои и Flickr и Delicious, ќе може да се сподели на Facebook.
Онлајн енциклопедијата ќе стане построга и ќе ги едитираат промените и текстовите за живи луѓе или за компании и организации, односно пред да се објават ќе мора да бидат одобрени од уредник. Ова е резултат на дво месечното тестирање и се однесува на англиската верзија на Wikipedia, која неодамна доби 3 милиони текстови. Од останатите јазични верзии на енциклопедијата со над 10 милиони текстови на други јазици, а 30.000 текстови на македонски, само германската верзија има ваква уредувачка политика врз текстовите.
