Крадење текстови не е нешто ново низ македонските медиуми и портали. Го имам искусено од прва рака, а имам и читано за вакви случаеви. Откако ќе ги пишеме или зборуваме со „пиратите“ секогаш завршува со извинување, тргање текст или „нема више жими сé“ филозофија.
Холандскиот суд му нареди на популарниот торент сајт Mininova.org да ги избрише сите .torrent фајлови кои ги прекршуваат авторските права или ќе плати казна од 5 милиони евра, по 100 евра за секој пиратски торент. Mininova беше тужена од холандската анти-пиратска организација BREIN, која ги штити авторските права на музичката и филмската индустрија.
Radiohead продолжува со својот храбар бизнис план. Бендот го објави најновиот сингл „These are my twisted words" на својот веб сајт. Песната е бесплатна за симнување, но ако сакате да придонесете кон работата на бендот тогаш можете да платите колку што мислите дека треба.
Џејми Томас-Расет е казнета со 1.92 милиони долари казна бидејќи споделувала 24 песни заштитени со авторски права преку сервисот Kazaa. Таа е првиот индивидуалец кој што е суден и казнет за споделување на фајлови. Г-ѓа. Томас-Расет прв пат беше казнета 2007 година кога судот ја осуди за виновна и ѝ нареди да плати казна од 220.000 долари. Таа потоа бараше ново судење и ауч... Сега наместо 200.000 долари таа треба да плати скоро 2 милиони долари за 24 песни, по 80.000 од песна.
Шведската Пиратска партија на избори низ Европската унија за гласање на идните парламентарци освои 7.1 отсто од гласовите со кои влезе во Европскиот парламент. Со едно место од околу 700 парламентарци, пиратите нема да бидат во позиција да го сменат расположението кон споделувањето на фајлови или редизајнирање на начинот како авторските права функционираат, нивните две цели.
Неодамна беше објавена Creative Commons апликација за најпопуларната друштвена мрежа Facebook. Апликацијата ќе им овозможи на корисниците на Facebook да си ги лиценцираат своите дела, пред се фотографии и видеа. Според Facebook правилата, корисникот ги има авторските права на содржината, но истите права врз делата на корисникот ги има и Facebook. Тоа не е за изненадување бидејќи правилата на секоја платформа се исти. Доколку објавите содржина, таа платформа во одредени мерки, ги има правата на истата.
Судскиот процес против Pirate Bay, во кој четворица швеѓани беа обвинети за нарушување на авторски права, конечно заврши. Последниот ден беше наменет за одбраната на Pirate Bay да ги поднесе финалните аргументи пред судот. Фредрик Неј, Готфрид Свартхолм, Петер Сунде и Карл Лундстром се соочуваат со можна затворска казна од по две години и оштета од 12.7 милиони долари доколку бидат осудени за виновни.
