Во најновото издание на Гинисовата книга на рекорди најде место и најновата масовна мулти-плеер видео игра Star Wars: The Old Republic. Според Гинисовата Книга, играта има повеќе линии на текст и говор од било кое дело во забавната индустрија. Играта има повеќе од 200.000 изговорени реченици од над 200 глумци.
Диалогот и приказната се најистакнатиот дел на играта, а се шпекулира дека вкупниот број на глумци за сите подрачја е поголем од 700. Ова е прво поголемо признание за играта, откако стартуваше при крај на 2011-та година, без да се зема во предвид титулата за најбрзо растечката MMО коja LucasArts и BioWare си ја доделија на себе.
Најголем број од глумците веќе имаат прилично големо искуство во синхронизирање на карактери за видео игри и најголемиот дел од нив веќе работел со BioWare на повеќе игри.
Во гејмер изданието на Гинисовата книга на рекорди издвоено е и место за повеќе игри од Star Wars серијалот низ повеќе од 30 години. Во специјалното гејмер издание Гинис ги наведува следните десет игри како „најдобри во галаксијата“:
- Knights of the Old Republic
- Lego Star Wars: The Complete Saga
- X-Wing vs. Tie Fighter
- Empire At War
- Rogue Squadron
- Jedi Outcast
- Super Star Wars: The Empire Strikes Back
- Republic Commando
- Star Wars Arcade
- The Force Unleashed II
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
