Имате девет другари, огромна желба за свирење на пијано, но не и пијано? Приближете се поблиску и читајте внимателно, имаме сајт само за вас.
Shared Piano е нова алатка која ви дозволува онлајн да работите на некоја музичка композиција со други луѓе. Откако ќе го споделите линкот со до девет други лица, можете да го користите глувчето, или тастатурата за да притискате на соодветните клавиши. Звуците кои ќе бидат произведени вака, можат да бидат видени и чуени од останатите корисници, а во кој било момент, можат и останатите да се приклучат на вашата изведба.
Shared Piano ви дозволува да приклучите и MIDI клавијатура на вашиот компјутер, преку USB. Во тој случај, мора да се погрижите самиот прелистувач да поддржува WebMIDI, како Chrome. За време на вашите музички сесии, не сте ограничени само на користење пијано и може да изберете и промена на инструменти, се со цел композицијата да ја добие саканата динамика, а вие да произлезете со групен хит со кој вистински можете да се гордеете. Или нешто слично на тоа.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
