Најголемиот проблем кој го имаа фановите на оргиналната верзиија на играта со новите изданија е што двете игри не се ист жанр на игра. Освен името, заедничка им е постапокалиптичната атмосфера и изборот за “turn by turn” борбата која можете да ја изберете. Не е проблемот што Fallout 3 е лоша игра, напротив играта беше најдобра во годината кога излезе, туку проблемот кој го имаа фановите на првиот дел е што се напушти концептот на оргиналот и од легендарната изометриска RPG авантура направија скоро класичен шутер. Ова и не е толку трагично бидејќи новите генерации се запознаа со серијалот, а ние добивме уште една одлична игра.

Лавина на римејкови

Најголемиот проблем е што ова некако ја започна лавина на римејкови на стари игри кои ќе бидат реиздадени. Во 2012 се најавени преработки на две стари стратегии Syndicate и X-Com, за жал новите верзии на овие игри ќе бидат шутери кои најверојатно ќе останат заборавени набрзо по излегувањето.

Добра вест е што понекогаш упорноста на фановите се исплати, па 2К Games им додели лиценца за изработка на X-Com и на Firaxis компанија која ги издаде последните делови на Civilization. Стив Мартин главниот човек во Firaxis изјави дека ова бил еден од соништата на компанијата и дека како огромни фанови на оргиналот ќе се обидат да ги задржат карастиките кои ја направија X-Com една од најсаканите игри.

[youtube]MHGvNW4fhhI[/youtube]