На натпревар чија единствена цел е напредокот на Hyperloop првата награда ја освои тим од Техничкиот универзитет од Минхен. Тимот ја освојува главната награда веќе трет пат, но она што е поимпресивно е дека успеаја да ја зголемат брзината за речиси 50%.
Брзината на возилото достигна 457 километри на час. Претходниот рекорд на тимот поставен пред околу една година беше 320 километри на час. Ова трет пат да се одржи натпреварот во организација на Space X, а тимот од Минхен има исто толку победи.
We’re excited to announce that our team WARR Hyperloop is the winner of the 2018 SpaceX Hyperloop Pod Competition!!!!!
We managed to go almost 50% faster than last year, reaching a final speed of 467 km/h (290 mph)!
We’d like to sincerely thank all our sponsors! pic.twitter.com/YpPTURnHp5
— WARR Hyperloop (@WARR_Hyperloop) July 23, 2018
Покрај победничкиот тим од Минхен на натпреварот учествуваа и тимови од Универзитетот Делфт од Холандија и Политехничкиот универзитет од Лозана, јави Ars Technica.
Hyperloop е транспортно решение кое засега е во фаза на развој. Патниците во капсула се возат и превезуваат во рекордно кус период. „Капсулата“ се сместува во цевка со специфични услови, за намалување на триењето, капсулата левитира на своите лежишта. За левитација се користи истиот воздух кој ја придвижува капсулата нанапред. Во најголем дел од патувањето не се користат линеарни магнети мотори иако во дел од патот, движењето настанува благодарение на овие мотори. Секако со оглед на тоа дека технологијата е во фаза на развој засега нема патници, и уште се испитуваат капсулата и тунелот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
