Корисниците на Office 2013 Preview ќе можат да пребаруваат и симнат апликации преку официјалната продавница за популарниот софтер која стартуваше во понеделник. Неместо додатоци за Office, Мicrosoft ќе понуди плејада на апликации вклучувајќи и апликации за популарни друштвени мрежи како Twitter и LinkedIn.
„Знаеме дека корисниците поминуваат многу време користејќи Мicrosoft Office. Но знаеме и дека постојат многу критични алатки и извори на информации, кои се на веб или пак во апликација надвор од Office.“, вели Вивек Нарасимхан од Microsoft. „Ја изградивме продавницата за да може да се интегрира најдоброто од веб сo најмоќните функционалности на Office и SharePoint.”
Корисниците ќе треба да кликнат на Insert копчето од Apps for Office за да додадат апликација. Пред да биде инсталирана корисниците ќе можат да ја прегледаат апликацијата во продавницата, на која ќе најдат рецензија за апликациајта и дали е бесплатна или не.
Според Microsoft, ваков модел на „апликации во облакот“ е „најголемата промена на Office платформата во последните 15 години“. Според овој модел програмерите ќе треба да креираат апликации кои поддржуваат веб стандарди, односно за прв пат ќе може да креираат со HTML, CSS, PHP и JavaScript технологија. Сепак, за да биде продавницата вистински успех, програмерите ќе треба да прифатат 20% од заработувачката да оди за Microsoft.
[youtube]7xLeF3YgXpQ[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
