Honest.com, сајтот за бебешки продукти основан од 30-годишната актерка Џесика Алба во јануари 2012-та година, успеа да собере почетни 27 милиони долари за понатамошен развој и освојување на пазарот. Парите доаѓаат од инвеститори кои имаат портфолио со други успешни онлајн продавници како ShoeDazzle на Ким Кардашиан, сервисот за групно купување LivingSocial, Zynga, Twitter…
„Неверојатната позитивна реакција што ја добивме од стартувањето на сервисот ни покажа дека треба да продолжиме да посветуваме време и ресурси за понатамошен развој на Honest брендот и заедницата. Инвестицијата ни потврдува дека на пазарот му треба бренд и сервис кој ќе достави чисти, здрави продукти кои се убави, ефективни и шармантни.“, вели Џесика Алба.
Honest.com за месечна претплата им нуди на родителите да си направат пакет од пелени и други неопходни продукти за растење на бебињата кој ќе им биде испорачан на врата. Покрај бебешките продукти, сајтот работи и со продукти за чистење на домот кои се изработени со природни состојки.
[youtube]rJBaP1FA0cU[/youtube]
