Со сплитскиот CodeAnywhere можете да кодирате било каде и во било кое време. Се работи за веб базиран код уредувач кој има интегрирано FTP клиент, Github, Dropbox и поддржува HTML, PHP, JavaScript, CSS и XML. Сервисот можете да го користите преку било кој прелистувач и на Android и iOS мобилните оперативни системи.
Ова е единствена мултиплатформска апликација за програмирање во облакот која само што надмина повеќе од 100.000 корисници. Развивачи секојдневно пристапуваат до својата сметка и кодираат преку своите iOS и Android мобилни телефони, или пак преку веб.
Според Netokracija, CodeAnywhere наскоро ќе стане и профитабилна апликација. Хрватската платформа е стартувана како PHPAnywhere, а во 2011-та година доби околу 25.000 евра инвестиција која ќе им помогна на основачите Ведран Јукиќа и Иван Буразин да ги привлечат корисници. Веќе се очекува до крајот на 2012 година да почнат да заработуваат. Во моментот има 1,8 отсто корисници кои ги користат платените услуги (5 долари/месечно или 50 долари/годишно), а бесплатните корисници не им претставуваат некој трошок.
Покрај моменталната интеграција на (s)FTP, Dropbox и Github, до крајот на годината се очекува корисниците да добијат поддршка за терминал, интегрирање на Google Drive, Amazon AWS и целосно прилагодлив уредувач.
[youtube]rnkfM-koQvM[/youtube]
