Sony на своите корисници ќе им понуди нов придружен уред PlayStation TV. Станува збор за мал ресивер кој овозможува играње на игри или стрим на содржина од PS Vita, или за приклучување на PS 4 на телевизор кој е во друга соба. PlayStation TV може да се користи и со PlayStation Now, новата услуга која ја нуди компанијата која ќе овозможува изнајмување на игри или претплата. Хардверот на ресиверот е речиси идентичен со Vita, односно четири-јадрен процесор, 1GB RAM и поддршка за 720р/1080i. PlayStation TV чини 99 евра, или 140 долари заедно со DualShock 3 контролер, 8GB мемориска картичка и Lego Movie видеоигра.
[youtube]WRpt0FVfX5I[/youtube]
Иако претставување на хардвер е нешто што може да се очекува од Sony, првите најави за ексклузивна серија под покровителство на компанијата изгледаа неверојатни. Сепак и официјално Sony соопшти дека Powers ќе биде првото оригинално телевизиско шоу за PlayStation. Powers е креирано по графичката новела на Брајан Мајклс Бендис и следи пар детективи кои имаат супер моќи. Серојата пристига во декември, а од Sony во следниве неколку месеци се очекуваат уште неколку најави за оригинални за шоуа од Sony. Компанијата не ги откри имињата, но откри дека покрај серии работат и на филмови, јави Verge.
[youtube]UBVMwZSPs-E[/youtube]
