Sony ги претстави своите кандидати за Windows 8 пазарот, Vaio Duo 11 и Vaio Tap 20. Ако за Vaio Duo може да се каже дека е вообичаен хибрид помеѓу таблет и лаптоп компјутерите, Tap 20 е вистински „Голиат“ на пазарот. Дваесет инчниот таблет на Sony не претендира да биде врска помеѓу десктоп и хибрид туку е „се во едно“ уред.
Vaio Duo 11 е вообичаен хибрид помеѓу лаптоп и таблет компјутер со 11.6-инчен екран заштитен со Gorilla Glass. Промената од лаптоп во таблет мод е направена така да страната која е прицврстена на тастатурата се отклучува и се лизга до другиот крај по што екранот ја покрива тастатурата и ракувањето на уредот како таблет е олеснето.
Основната конфигурација на Vaio Duo 11 е Intel i3 процесор, 4 GB DDR3, 128 GB SSD, а лаптопот доаѓа и со пре-инсталиран Windows 8. Процесорот можете да се надгради на i5 или i7, а просторот може да се зголеми со промена на SSD на 256GB просотор. Цената на основната верзија на Vaio Duo е 1.100 долари.
Tap 20, барем засега, е најголемиот „таблет“ презентиран како Windows 8 уред. Дваесет инчниот екран препознава десет точки на допир и резолуција од 1600 х 900. Процесорот кој е употребен е 1.7GHz Ivy Bridge. Покрај ова уредот има и 4GB RAM и 750GB хард диск. Графичката карта која се користи и во овој уред е Intel-oвата HD 4000.
Процесорот на Tap се надградува до Intel i5 или i7, а хард дискот може да биде заменет за SSD. Tap 20 доаѓа со бежични тастатура и глувче, а почетна цена му е 880 долари.
Повеќе како All In One PC одколку како таблет.