Solveo 
Македонската платформа Solveo, основана од Драгана Нешовска и Иван Зографски, која цели кон поврзување и вмрежување на студентите и компаниите преку работа на реални проекти, по досегашните успешни три натпревари, реши да им постави нов предизвик на македонските студенти – Како да ја понудат, развијат и прошират услугата на Solveo на нови пазари?
Со мотивациска награда од 30.000 денари за победничкиот тим, Solveo бара заинтересирани студенти кои имаат насоки на интерес во областа на е-бизнис, маркетинг, финансии, менаџмент, дизајн, ИТ и психологија да аплицираат најдоцна до 19 февруари и да се приклучат во креативната работилница. Повикот е отворен за сите студенти кои сакаат да работат на реален проект и трае неполни 3 недели во 8 креативни работилници.
Image Courtesy of Solveo.co
Зошто треба да аплицирате доколку сте студент?
Во реалниот свет има голема разлика помеѓу практичното и теоретското знаење и познавање на проблемите. Работата на реален проект ќе ви понуди нова перспектива во вашето едуцирање, ќе се запознаете со пазарни проблеми од прва рака, а дополнително преку учествување во ваквите работилници ќе стекнете контакти и познанства кои понатаму ќе ви послужат во градење на вашата кариера.
Повеќе детали за апликацијата ќе пронајдете на следниов линк.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
