Microsoft го отвори виртуелниот свет во отворена бета верзија. Компанијaта се надева дека сите кои работат на вештачка интелигенција во виртуелниот свет ќе имаат безбедна тест околина. Светот е прилагоден за тестирање автономни возила или дронови.
Софтверот рекреира појави од светот. Сенки, одблесоци и слични појави кои можат да ја збунат вештачката интелигенција, се дел од кодот споделен на GitHub. Освен безбедноста, виртуелнaта реалност е одличен простор за тестирање на вештачката интелигенција, бидејќи тука не се потребни специјални дозволи. Голема предност на симулираните тестови е што се и многу поевтини, а може и да се забрзаат или да се симулираат различни услови. Кога станува збор за тестирање на автономни летала или возила, не може да се занемари и цената на евентуалните незгоди. Секоја незгода во виртуелниот свет е речиси бесплатна.
„Целта е да креираме (тренираме) системи кои можат да оперираат во реалноста.“, вели Апиш Капут од Microsoft кој е лидер на проектот.
Симулациите и овозможуваат на вештачката интелигенција да „учи“ и да стане подобра. Секако за ова да биде релевантно, условите во симулацијата мора да соодветствуваат на уловите во реалноста. Microsoft тврди дека виртуелниот свет е верна копија на реалноста. Благодарение на напредокот во графичкото процесирање, сенките, одблесокот и маглата се дел од светот.
