Следната надградба на софтверот на Tesla ќе ги направи возилата автономни. Не станува збор баш за следната надградба, туку за новата верзија на оперативниот систем. Со Tesla Version 9 компанијата ќе започне да имплементира потполно автоматизирано возење. Ова на Twitter го откри основачот на компанијата, Илон Маск.
That issue is better in latest Autopilot software rolling out now & fully fixed in August update as part of our long-awaited Tesla Version 9. To date, Autopilot resources have rightly focused entirely on safety. With V9, we will begin to enable full self-driving features.
— Elon Musk (@elonmusk) June 10, 2018
Според најавата, новата верзија доаѓа веќе во август. Г. Маск објави дека најголемите проблеми на оперативниот систем на возилото веќе се надминати. Во V9 верзијата на оперативниот систем целиот фокус е на безбедноста, па сега може да го вклучат и автоматското возење.
Ова не значи дека возилото ќе може да вози автономно, но Tesla ќе започне со додавање на функционалности кои би спаѓале во „Full Self-Driving Capability“, вели Electrek. Цената на „Enhanced Autopilot“ пакетот е 5 000 долари, а за дополнителни 3 000 долари е достапен „Full Self-Driving“ пакет. Пакетот е достапен во продажба, но не и за користење. Законот со кој се регулираат автономните возила е ригорозен и е различен во различни држави.
Што точно ќе овозможува новата функционалност ќе дознаеме во август. Ова нема да биде прв пат Илон Маск да отиде предалеку со најавите, па деталите ќе ги дознаеме за некој месец.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
