„Европа против вирусот“ е 48-часовен хакатон организиран од Европскиот совет за иновации. На натпреварот ќе учествуваат државјани од сите европски држави, а цел е по врзување на граѓанското општество, иноватори, партнери и инвеститори низ цела Европа, со цел да се развијат иновативни решенија за предизвиците поврзани со коронавирусот.
Учесниците ќе добијат алатки за олеснување на работата, а во живо ќе се одржуваат и веб-семинари, сесии на Q&A и дневни прегледи.
Настанот е отворен за програмери, дизајнери, креативни луѓе, решавачи на проблеми, дигитални претприемачи, креатори, експерти и иновативни почетни компании од Европа – но и за сите останати што сакаат да придонесат и да влијаат.
Ова се предизвиците на кои учесниците ќе работат:
- Бизнис континуитет
- Социјална и политичка кохезија
- Далечинско работење и образование
- Дигитални финансии
- Друго/останато
Нема краен датум за регистрација на учество за настанот, а може да се пријавите на euvsvirus.org.
