Воден од Алексис Оханиан, еден од основачите на Reddit, Small Empires е серијал на видео приказни за најкреативните американски стартапи. Продукцијата е на Verge, каде што ќе може да ги најдете сите нови епизоди од втората сезона, или на YouTube ако сакате да ја погледнете првата сезона. Приказните кои г. Оханиан ги покрива се искуства на популарни стартапи како Rap Genius, FiftyThree Maker’s Row, Sandwich Video и многу, многу други. Во секоја епизода се зборува за предизвиците кои го има еден стартап; за иновативните идеи кои пред неколку години би биле лудост да се помислат, камоли да се инвестира во нив; и секако, се споделуваат најразлични совети за како да се успее. Серијалот е фантастичен и мислиме дека секој претприемач и стартап ентузијаст мора да го погледне.
[youtube]S3URc1zhwSE[/youtube]
