Skype најави уште подлабока интеграција со Facebook, најавувајќи дека со новитe верзии 5.4 Beta за Мac и 5.7 Beta за Windows ќе може да се прават Facebook-кон-Facebook повици.
Се што е потребно е да ги поврзете Skype со Facebook профилот. Оваа интеграција започна со со 5.0 верзијата. Откако ќе се логирате на Facebook преку Skype и ќе го одобрите дозволите за апликацијата, одберете си Facebook пријател и ќе може да започнете видео чет.
Можеби ова Facebook четување звучи премногу бидејќи самиот Skype веќе има видео чет, а веројатноста е доколку сте Skype корисници тогаш ги имате додадено сите пријатели во Skype контактите. Од друга страна, на Facebook имате многу повеќе пријатели отколку Skype контакти па сега можете да стартувате видео повик со сите нив.
Други новини со овие верзии се видео рендерирање на Mac верзијата, односно групно споделување на екранот за Windows корисниците кои се претплатници на Premium услугата.
„Нашиот пристап до друштвеното е за личните конекции меѓу луѓето. Ние сме на мисија да поврземе повеќе од една милијарда луѓе и нашето продолжено партнерство со Facebook не доведува еден чекор поблиску до таа цел.“, вели Рик Остерло на официјалниот блог на Skype.
[youtube]DO5GbYHv7HM[/youtube]
Линукс како и секогаш повторно дискриминиран. За жал, сеуште линукс корисниците не можат да ја употребуваат видео чет функцијата на Facebook.