Постојат бројни начини за константно информирање со најновите и најдлабоките попусти на дигитални игри. Претходно, зборувавме за огромните потенцијали на сајтовите како CheapShark, особено можноста да оставите имејл за инстантно известување кога вашата омилена игра ќе биде на одреден попуст.
Овојпат, би сакале да го споменеме GameDeals – дестинација на Reddit која константно се обновува со најновите зделки од останатите членови. GameDeals е една од нашите најчесто користени дестинации и, низ годините, баш од тука се имаме информирано за бројни игри кои се на длабоки попусти.
На GameDeals се прикажуваат попусти за игри за PC или за конзоли, а ни се допаѓа и лесниот пристап до, обично, информативните коментарите на заедницата. Имено, веднаш под зделката можеме да прочитаме за искуството на останатите гејмери и дали ја препорачуваат играта.
Често пати, самите издавачи ќе постават известување за некоја игра која е на попуст и ќе започнат AMA сесија каде ја покануваат заедницата на најразлични прашања поврзани за нивната игра.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
