Contest Watchers: Сите графички натпревари на едно место

Доколку сте графички дизајнер или се занимавате со некаков вид на графичко уредување, па и видео, ContestWatchers.com можеби е најдоброто место на кое можете да ги видите сите актуелни натпревари на некоја од овие теми и да се пријавите. ContestWatchers.com е стартуван во 2009-та година, од од скоро време доби нов дизајн. Автор на овој проект е Гоце Митевски.

Сајтот овозможува прегледување на натпреварите според различни категории, бесплатни/платени, како и натпревари само за студенти. Исто така, со само еден клик може да се видат сите натпревари кои истекуваат за еден ден, недела или месец.

Со оглед на тоа дека сајтот има посебна категорија која ги агрегира студентските натпревари, доколку сте студент, ова е одлично место на кое можете да го пронајдете следниот ваш предизвик и да се фалите пред колегите. :)