Што е Metaverse и зошто Facebook смета дека е иднина на интернет

во Вести

Најголемата друштвена мрежа Facebook најави дека во следните 5 години ќе вработи 10 000 луѓе во Европа. Компанијата е фокусирана на регрутирање на нови вработени во Германија, Франција, Шпанија, Италија, Полска, Холандија и Ирска, јави CNBC. Новите вработени ќе работат на развој на виртуелниот свет на Facebook „Metaverse“.

„Metaverse“ е дигитален свет во кој сите луѓе ќе можат да „комуницираат“ со виртуелната 3Д околина.

„Metaverse има потенцијал да ни помогне да отвориме нови креативни, друштвени и економски можности. Европјаните ќе го обликуваат од самиот почеток“, објави Facebook на својот блог.

Што е Metaverse

Марк Закербег го опиша „Metaverse“ како отелотворен интернет. Терминот произлегува од новелата „Snow Crash“ во кој се користи за објаснување на имерсивен споделен простор на кој може да му се пристапи од различни платформи.

Читателите на „Ready Player One“ првите споделувања на визијата за „Metaverse“ ќе ги потсетат на виртуелниот свет OASIS. Слично како и во овој  виртуелен свет и во „Metaverse“ ќе може да се играат видеоигри, но самата платформа е вистински виртуелен свет во кој посетителите можат да прават сè. Корисниците ќе можат да организираат средби со пријателите; да одат да гледаат филм; да работат онлајн; да одат на концерт на својата омилена група.

Исто како во „Ready Player One“ посетителите во „Metaverse“ за интеракција со околината и пријателите ќе го користат својот онлајн аватар.

За најголем дел на поддржувачите на „Metaverse“ платформата ќе биде следната еволуција на Интернет и виртуелната реалност. За разлика од виртуелната реалност на која во моментов речиси ексклузивна намена и се видеоигрите, на новата платформа фокусот ќе биде на социјалните активности.

Најголема причина за возбуда околу дигитален виртуелен свет овојпат е поради поддршката, но и луѓето од кои оваа поддршка доаѓа. Марк Закерберг од Facebook и Тим Свини од Epic Games се главни поддржувачи на „Metaverse“, но и компании како Microsoft и Nvidia работат на сопствени верзии на истата или слична платформа.

Најголема пречка во моментов за поголема популарност на ваква платформа е хардверот. Сетовите за виртуелна реалност се значително понапредни од она што можевме да го видиме во минатото, дури може да се користат и како самостојни уреди, но превисоката цена секако е пречка за поголемо прифаќање. Дополнително еден од проблемите кои ќе се надмине со пошироко прифаќање на 5Г-мрежата е поквалитетна интернет врска која е распространета насекаде.

Технологијата е во рана фаза на развој. Tоа може да се забележи и од бројот на отворени позиции во Facebook од почетокот на текстот. Сепак „Metaverse“ е интересна технологија која без сомневање ќе има супер интересна иднина. Она што го слушаме и гледаме досега е само гребење по површината.

Добивај известувања
Извести ме за
guest
2 Коментари
Најнови
Најстари Со највеќе гласови
Inline Feedbacks
View all comments
trackback

[…] Планот за Metaverse веќе неколку пати беше споделен и претходно, а овој пат можевме да видиме  и визуелно како ќе изгледа тоа. Од она што може да го видиме планот е своевиден спој на виртуелна и проширена реалност, кои ќе се испреплетуваат. […]

trackback

[…] post Што е Metaverse и зошто Facebook с… appeared first on […]