Ренди Закерберг, сестрата на основачот Марк, и поранешна главна за маркетинг на Facebook, се приклучи на толпата луѓе кои се незадоволни од приватноста на друштвената мрежа. Таа се налути бидејќи една фамилијарна слика која таа ја сподели на Facebook, се најде на јавно на Twitter. На сликата се гледа како таа, и други членови на Закерберг фамилијата, вклучувајќи го Марк, реагираат на новата Facebook Poke апликација. Сликата беше јавно споделена од Кали Швеитцер, која откако беше укорена од г-ѓа. Закербург, и се извини јавно.
@randizuckerberg I’m just your subscriber and this was top of my newsfeed. Genuinely sorry but it came up in my feed and seemed public.
— Callie Schweitzer (@cschweitz) December 26, 2012
Г-ѓа. Швеитцер објасни дека таа успеала да ја види сликата и покрај тоа што не е пријателка со Ренди Закерберг. Јасно е дека таа ја видела сликата бидејќи е пријателка со пријателка на Ренди Закербег. Ваквото можност вашата содржина да ја гледа „пријател на пријател“ е од огромно значење на Facebook бидејќи со таа опција (и public, се разбира) се постигнува виралноста, односно корисниците гледаат активности кои се надвор од нивниот круг на пријатели и често стапуваат во нови пријателства или се претплатуваат на профилите.
Интересно, г-ѓа. Закерберг успешно го спинуваше проблемот со приватноста додавајќи дека „не сакам моите приватни слики да станат вест“. За жал, токму тоа и се случи. Но, нејзината слика не беше за шоубиз вести или трачеви за како живеат Закербергови, туку во вестите за како Facebook манипулира со приватноста на корисниците, наметнувајќи опции за споделување, наместо да им дозволи ‘only friends’ споделувањето да биде default.
Digital etiquette: always ask permission before posting a friend’s photo publicly. It’s not about privacy settings, it’s about human decency
— Randi Zuckerberg (@randizuckerberg) December 26, 2012
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
