Twitter воведе опција за закажуње на твитови, но таа нема да биде достапна за твитерџиите бидејќи тие, нели, треба да споделуваат информации во реално време, туку е наменета за огласувачите да закажуваат пораки за нивните маркетинг и ПР кампањи. Како што вели друштвената мрежа, опцијата ќе им дозволи на огласувачите да ги ослободат луѓето кои ги следат кампањите ноќ и ден, кога треба да објават пораки во несоодветни времиња, но и да закажат пораки за премиери и настани.
Закажувањето твитови, кое беше достапно само преку трети апликации како на пример Hootsuite, сега ќе може да се направи директно преку преку ads.twitter.com платформата. Може да се закажат и промовираните твитови, односно рекламите, но и твитовите споделени преку профилот на брендот. Твитовите може да се закажат секоја следна минута се до една година однапред.
