Интересниот податок кој доаѓа од ова истражување е дека најподготвени за плаќање за онлајн содржина се лицата од 25 до 34 години. Судејќи според бројките, Reuters смета дека има иднина во онлајн новинарството. Исто така, голема е бројката (68 oтсто) и на корисниците од 18 до 24 години кои се подготвени да плаќаат за онлајн содржината. Од вкупниот број на испитаници, дури 10.000 се луѓе кои често конзумираат вести преку Интернет, често споделуваат и се најподготвени да платат за вестите. Колку повеќе уреди поседуваат луѓето, толку почесто тие би читале вести на Интернет. Бројката на корисници кои поседуваат барем три уреди е порасната на дури 63 отсто. Од нив, 55 отсто од сопствениците на компјутерски таблети вестите ги конзумираат во дигитален формат, додека бројката на мобилни корисници е 52 посто.

Особено задоволни од бројките се медиумите во Велика Британија. Џури Хармен, директор за планирање во Newsworks, за ова вели: „Навистина е поттикнувачки да се види јачината на новинарските брендови во Велика Британија. Одлично е кога ќе видиш дека весниците се главна дестинација за младите и тие се подготвени да плаќаат за конзумирање на вестите, особено доколку читаат преку компјутерските таблети“.

Целосната презентација и извештај можете да го преземете од овде.

Кое е вашето мислење за плаќање за читање на онлајн содржината? Дали доколку некој од нашите медиуми воведе таква практика сте подготвени да платите? Ги очекуваме вашите коментари.