По 28-ми пат се избира најдобар програмер меѓу основците и средношколците во Македонија. Овогодинешниот Државен натпревар по информатика е во организација на Здружението на информатичари на Македонија.
Натпреварот за учениците од средните училишта се оддржува во сабота на 1 април во просториите на ФИНКИ, додека учениците од основите училишта ќе се натпреваруваат во компјутерските лаборатории на Semos Едукација, кои воедно се и долгогодишни поддржувачи на натпреварот.
На овогодинешниот натпревар по информатика ќе учествуваат вкупно 100 учесници од основно и средно образование кои се избрани од учесниците на регионалниот натпревар. Четворица најдобри ќе ја претставуваат Македонија на натпреварите на меѓународно ниво.
На сите добитници на први, втори и трети места од секоја подгрупа, Semos Едукација им доделува вредносни ваучери за бесплатна обука по нивен избор.
