Откако се испокара и смири со Apple околу патенти на телефони, сега Samsung бара да биде забранет увозот и продажбата на некои уреди од Ericsson во САД, јавува BBC. Станува збор за седум патенти за кој Јужнокорејците твдрат дека им се прекршени авторските права, поради што се одлучиле за оваква мерка.
Ова следи откако Samsung одби да плаќа авторски права за патентите на Ericsson, бидејќи биле прескапи. По ова Швеѓаните одговорија дека Samsung сака да ја обезвредни вредноста на патентите и сега бара од судот да го донесе барањето на Ericsson за судска разврска за отштета за патентите.
Ericsson е еден од првите и најголеми иноватори на полето на телекомуникациите. Во 2011 Ericsson заработи речиси милијарда (938 милиони) долари од авторските права кои ги поседува компанијата. До пред две години Samsung ги плаќаше обврските кон Ericsson, но последниве две години компаниите преговараат околу новата цена за користење на патенти.
Се поизвесно е дека наскоро наместо изнаоѓање на конструктивен начин за надминување на недоразбирањата е можно да видиме состојба „сите против сите“, каде секоја компанија ќе се тужи против секоја.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
