Samsung претстави паметни светилки кои ќе работат до 10 години

Започна и трката да се освои пазарот на Интернет на нештата. За почеток се претставија паметни светилки кои ќе можат да се поврзат со интернет и да се контролираат преку апликации. Philips ја претстави својата Hue со Wi-Fi; потоа следеше LG кои ја претставија својата SmartBulb која се поврзува со Wi-Fi и Bluetooth; а сега и Samsung ги претстави своите Smart Bulb светилки кои може да се контролираат преку паметен телефон. Според Samsung, дури 64 паметни светилки ќе може да се контролираат преку апликација. Тоа што е интересно е што Samsung вели дека Smart Bulb ќе трае 15.000 часа или околу 10 години за нормално користење. Сепак, векот на паметната светилка ќе зависи од јачината која се подесува.