САД се плаши дека Anonymous има потенцијал да срушат електрични мрежи

Директорот на американската Национална агенција за безбедност предупреди дека хакерите-активисти во наредниве година-две ќе имаат потенцијал да срушат електрични мрежи, пренесува Wall Street Journal.

Според генералот Кијт Александер, сајбер нападите се сериозна опасност врз компјутерските мрежи, а Anonymous се една од групите кои имаат потенцијал да прераснат во закана за американските и други влади, како и корпоративни мети како Visa, MasterCаrd и eBay.

До сега сите активности на Anonymous се сведуваат на DDoS напади врз владини сајтови и сајтови на корпорации, односно нивно срушување, најчесто во знак на протест или за да исмејат некого. Но имаше инциденти каде сериозно пробиваа кориснички податоци од сериозни компании, често компании кои се занимаваат со компјутерска безбедност.

Но до сега, Anonymous никогаш не се обиде да сруши електрични мрежи, иако нивните закани се често општи и недефинирани, како пример заканата дека ќе го изгасат интернетот на 31 март, познато како „Operation Global Blackout”.

Според многумина експерти, напад врз електрични мрежи не би бил сериозен бидејќи има системи за поддршка и помош, но би можеле да бидат доволни да ги успорат работењето на системот.

Иако генералот Александер покажа со прст директно кон Anonymous, неговата идеја беше да ги претстави опасностите од таквите сајбер напади кои се ставени како еден од приоритетите на претседателот Обама. Се разбира, напад од хакери-активисти нема да биде исто како напад од странска држава.

[youtube]uX5EJUfovZ0[/youtube]

Добивај известувања
Извести ме за
guest
2 Коментари
Најнови
Најстари Со највеќе гласови
Inline Feedbacks
View all comments
Anonymous
Anonymous
10 years ago

Ова е тотална манипулација на американската влада со цел да го залажат народот и да го претстават Анонимус како терористичка организација. Анонимус е организација која работи против владите, а не против народот. Анонимус кога би можел да ги сруши електричните мрежи и кога би ги срушил, тоа не би и наштетило само на на владата, туку и на народот, а тоа не е целта на Анонимус.

Во иднина можно е да се случи некој да ја сруши електричната мрежа во Америка или на друго место, и покрај тоа што владите и медиумите ќе кажат, зад тоа нема да стои Анонимус.

Ние сме Анонимус
Ние сме легија
Ние не простуваме
Ние не забораваме
За прв пат, не не очекувајте
http://www.facebook.com/321856001197875

darko
darko
10 years ago

Anonymous, новите алкаеда (терористи) а? Ќе има документарци со конспиративни теории. Ќе биде забавно :)

види ги сите огласи на kariera.it.mk