Павел Дуров, основач на Digital Fortress и најголемата руска друштвена мрежа, VKontakte, го објави првиот продукт од својата нова компанија. Се работи за iOS апликација за размена на пораки преку која наскоро би требало да се разменуваат и аудио и видео повици.
Telegram го користи протоколот за размена на податоци MTProto, развиен oд Николај Дуров кој е CTO во VKontakte. Практично, со својот продукт г. Дуров сака да го тестира овој нов протокол, кој доколку е успешен, би се очекувале повеќе функционалности од друштвен аспект во Telegram. Тој смета дека апликацијата е брза и безбедна и дека до неа немаат пристап трети апликации.
Во моментот Telegram е достапна само за iOS, но земајќи го во превид фактот дека г. Дуров сака да завземе дел и од пазарот на Android, наскоро се очекува да излезе и верзија за мобилниот оперативен систем на Google.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
