Reddit успеа да собере нови 50 милиони долари инвестиции од Сем Алтман, Sequoia Capital и Andreessen Horowitz. Покрај ова дел од популарните инвеститори во Reddit се и основачот на PayPal, Питер Тил, актерот Џаред Лето и раперот Snoop Dog.
Но, тоа што е најинтересно во оваа вест е дека се најавува дека 10 отсто од овие средства ќе отидат во рацете на корисниците на платформата. Засега начинот на кој овие средства ќе се распределат на корисниците на Reddit е непознат, иако се спомнува дигитална крипто-валута без разлика дали станува зборува збор за биткоин или за некоја алтернатива.
„Планираме да креираме крипто монети и да направиме да може да се менуваат поддржани од акциите на Reddit и да ги дистрибуирам до корисниците. Инвеститорите се согласија на ова во условите за инвестирање“, вели Јишан Вонг.
Reddit е една од најактвините интернет локации со над 5 милијарди посети месечни и 115 уникатни посетители секој месец. Парите ќе бидат инвестирани во зголемување на бројот на вработени за развој, менаџирање на заедницата и подобри алатки, јави Mashable.
