Gear 2, паметниот часовник на Samsung, е едноставен да се поправи, оцени iFixit кои се познати по деталното расклопување на сите нови уреди. Тоа што е добро кај паметниот часовник, е што иако е ставен во водоотпорна маска, часовникот може лесно да се отшрафи и да му се замени батеријата или каишката без дополнителен алат. Тоа што е проблем е што екранот е залепен со предната страна на уредот, и ако се оштети при невнимателно отстранување поправката ќе чини повеќе од планирано. Според iFixit, Samsung Gear 2 доби оценка од 8 од 10. Gear 2 часовниците се со 1,63 инчен AMOLED дисплеј со резолуција 320 х 320 и двојадрен процесор од 1 GHz. Часовникот доаѓа со 512 MB RAM и 4 GB слободен простор.
