Snapchat e хит меѓу македонските корисници, и можеби наскоро и меѓу македонските брендови. Првиот бренд кој се активира на друштвената мрежа е Ramstore кој започна да споделува кратки „снапови“ и приказни кои траат само 24 часа. Проектот го водат маркетинг агенциите NewMedia MК и KingKong Agency од Осијек.
„Со овој чекор отвораме уште еден канал за отворена, двонасочна комуникација со една од клучните групи посетители на трговскиот центар, младата урбана популација“, вели Ramstore.
Snapchat е апликација која се очекува да го замени Facebook. Има над 100-тина милиони корисници во светот кои секој ден споделуваат над 7 милијарди слики и видеа. Но, тоа што го прави Snapchat уникатен е што тие содржини имаат краток рок, ги снемува засекогаш после 24 часа. Апликацијата во моментов е попопуларна помеѓу младите корисници кои избегаа од Facebook, но сепак се релевантна таргет група за огласувачите. „За секоја нова генерација, потребна е и нова комуникација. Snapchat е токму таа апликација на новата генерација“, велат од KingKong Agency.
