Соработката на Samsung и Qualcomm го донесе Snapdragon 835, првиот 10-нанометарски FinFET процесор. Процесорот е наменет за користење во мобилни уреди, пред сѐ паметни телефони.
Новиот 10-нанометарски процесор ќе му овозможи на Snapdragon 835 да биде помоќен, а истовремено и поефикасен со батеријата. Процесорот ни овозможува да додадеме и низа функционалности кои ќе го подобрат искуството на корисниците во иднина, изјави Qualcomm.
Во споредба со 14 нанометарските процесори, новиот процесор зафаќа 30 отсто помал простор, и е 40 отсто поштедлив, а истовремено има 27 отсто поголеми перформанси. Помалиот простор ќе овозможи повеќе простор, дали за батерија или за потенок телефон е оставено на производителите.
Qualcomm ја најави и надградбата на QuickCharge, QuickCharge 4. Според информациите од Qualcomm полнењето ќе биде 20 отсто покусо, а за само 5 минути ќе може да се наполни телефонот доволно за пет часа користење.
