Qualcomm Ventures го објави третото издание на натпреварот за стартапи. QPrize е натпревар кој се одржува од 2009 година со цел да ја промовира иновативноста во технологијата и е дизајниран така што ќе ти препознае најветувачките компании уште во раната фаза на нивниот развој. Натпреварот е место на кое што претприемачите со наградата што ќе ја добијат ќе може да ја реализираат својата идеја и да се претворат во успешен бизнис стартап.
За да се пријавите на натпреварот, мора да бидете стартап во еден од осумте региони кои ги опфаќа овој натпревар, а меѓу нив е и Источна Европа. На QPrize треба да се пријавите уште денес, бидеќи, за жал, крајниот рок е утре, 17 август.
Kритериумите по кои Qualcomm Ventures ќе ги проценува старпите се:
- Колку стартапот навистина е иновативен, односно креативен?
- Дали стартапот опфаќа голем пазар на кој ќе може да се прилагоди?
- Дали тимот е способен за реализација на планот?
- Дали сте реални за вистинските финансиски предизвици и потенцијали?
Исто така, победникот од секој регион ќе добие по 100.000 евра, додека крајниот победник од сите 8 региони ќе добие дополнителни 150.000 евра. Qualcomm Ventures како инвеститор најмногу ќе биде заинтересиран за мобилните стартапи, со оглед на својата позиција што ја имаат во индустријата.
