Марк Закерберг тврди дека не може да ги раздели страниците кои шират лажни вести, но Даниел Сиерадски не се согласува. Г. Сиерадски создаде екстензија за Google Chrome која му соопштува на корисникот кога некоја вест доаѓа од страница позната по ширење на дезинформации. Екстензијата веќе ја споменавме во овој текст , но истата заслужува малку поголемо внимание.
B.S. Detector всушност функционира едноставно. Г. Сиерадски креираше листа на познати страници кои од претходно споделуваат дезинформации. Ова е малку контраверзно, бидејќи листата ја креира креаторот на екстензијата. Сепак, неговата идеја е дека ова е доказ за концепт, а не финален производ.
„Ја креирав екстензијата за помалку од еден час откако го прочитав тврдењето на Зак дека не може да се означат страниците кои шират лажни вести. Се разбира дека може. Само треба волја да ги одбележите овие глупости. Засега ова е само доказ за концептот, но функционира доволно добро.“, вели Даниел Сиерадски, креатор на екстензијата.
Ова секако нема да ги отстрани лажните вести. Креирањето на нови домени ќе остант проблем, а проблем може да бидат и лажни или проблематични вести од порталите кои се сметаат за доверливи. Ова е најголем проблем на социјалната мрежа, на која вестите од се прикажани едни до други. Екстензијата не ги отстранува или поместува вестите од социјалната мрежа; единствено го информира читателот за изворот.
Повеќе информации на темава:
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
