Веќе две години Google во тајност тестира автономни беспилотни летала кои ќе доставуваат продукти. Но, за разлика од Amazon кој сака да направи курири од беспилотните летала, Google вели дека конечната цел за нивните дронови ќе биде да доставуваат помош до изолираните предели кои се зафатени со природни незгоди.
Тимот зад Project Wing е истиот тим кој работи на автономното возило на компанијата. Според Дејв Вос, лидер на тимот, беспилотните летала можа да служат и за медицински цели за достава на лекови и опрема до лица побрзо од амбулантната кола. Леталото има 1,5 метри распон на крилја, тежи 8,5 килограми и се движи со електрични пропелери. Може да лета до претходно програмирана локација, но патот до таму го одбира самостојно.
Google работи на прототип на Project Wing цели две години, и ги тестирал успешно на фарми во Австралија. Австралија е избрана за тест бидејќи, според Google, земјата ила „прогресивни“ правила за користење на беспилотни летала.
[youtube]cRTNvWcx9Oo[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
