Project Myo, алката која претендираше да го замени комјутерското глувче, го заврши тестирањето на својот прототип и е подготвена за продажба. Myo работи на принцип на електромијографија која лекарите ја користат за да ја снимат работата на мускулите. Новиот модел функционира идентично како и претходникот, контролерот реагира на движење и ротација, а ги детектира и електричните импулси во мускулите во подлактицата на корисникот. Myo регистрира 7 различни гестикулации, кои покрај движењето, овозможуваат да се издаваат различни команди.
„Јасно беше дека рацете и прстите се клуч во дигиталниот свет. Камерите не функционираат доволно добро за да го овозможат ова во подвижно сценарио. Конечно заклучивме дека EMG е начинот на кој ќе го оствариме ова. Неколку месеци подоцна го имавме првиот прототип кој ја потврди нашата претпоставка“, вели Стивен Лејк, ко-основач на Thalmic Labs
[youtube]oWu9TFJjHaM[/youtube]
„Автоматизацијата на домовите е прилично интересна област кај развивачите. Интерно размислуваме за примени во различни категории на корисници, размислуваме околу гејмингот и интеракции со уреди околу нас. Но, постојано се обидуваме да пронајдеме начин за поврзување со вакви уреди кои би ни овозможиле да ги контролираме во реално време“, вели г. Лејк.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
