Еден од новитетите кои доаѓаат со Android L, е Project Volta алатка која овозможува подетален преглед на трошењето на батеријата. Ова во иднина ќе овозможи и понапредно управување со батеријата. Project Volta доаѓа со мод кој овозможува штедлива работа, па кога батеријата ќе се испразни под 15 отсто, се исклучуваат дел од опциите на Android L, и се овозможува подолготрајна работа на телефонот. Централна фигура во оваа верзија на Android е системот за нотификации кој е преработен и сега дел од нотификациите ќе бидат видливи и кога телефонот е заклучен. Корисникот сам ја мести приватноста за секоја од апликациите кои ќе ги испраќаат нотификациите на заклучениот екран. Едно повлекување надолу по екранот ќе ја отклучи функцијата за „брзи сетирање“, тука ќе бидат сместени опциите за WiFi, Bluetooth, опција за авион и опција за осветлување на екранот.

Сепак добар дел од промените за Android L ќе бидат „скриени“. Android L доаѓа со поддршка за 64-битни процесори, 5.000 нови API кои ќе им бидат достапни на девелоперите веќе наесен. Дополнително телефонот ќе може автоматски да се отклучи кога паметниот часовник ќе биде во негова близина.

[youtube]oMF6JIGhsH8[/youtube]