Секојпат кога сакате да ја прилагодувате јачината на звукот кога, на пример, гејмате, потребно е или да го правите тоа од опциите на самата игра, или да ја минимизирате играта па да одите преку икона во десниот долен агол, или пак преку користење соодветни кратенки на тастатурата. Иако немаме ништо против некој од овие начини, сепак сметаме дека се крајно неинтуитивни и, со самото тоа, ја кршат имерзивноста при играњето.
JustScroll е мала едноставна апликација која ви дозволува да ја прилагодувате јачината на звукот така што го држите копчето Windows и скролате со тркалчето од глувчето. Лесно, брзо и ефикасно!
„Како Windows power user, една работа што секогаш ми пречеше е колку се лоши аудио контролите.“, објаснува авторот зад алатката и додава дека аудио звукот е „толку важен и штета е што менувањето на јачината на звукот на Windows е непотребно искомплицирано. Верувале или не, голем дел од луѓето го имаат оваа прифатено, а, да бидат работите полоши, ништо не се менува ни во Wndows 11.“
JustScroll не чини ни 2 евра. Доколку со години и на вас ви пречи немање подобри контроли за прилагодување звук, би можеле да ја проверите апликацијата на Едуард Георгиев.
Интересно. Со 7+ Taskbar Tweaker имавме taskbar scroll ама за другиве мора да се ограничиш на тастатура со мултимедија копчиња